搜尋
  • PRISTER Internship2

【#作Code家 — 疫情科技】

最近疫情緩和,堂食禁令開始放寬,人流都變得愈嚟愈多,令風險大大提升。每當我哋要進入學校、食肆等公眾場所時,就要量度體溫、使用「安心出行」等,所以各種科技嘅發展都愈嚟愈快。


還記得上個月所介紹嘅溫度感測器嗎?佢正正係其中一個使用紅外線或電阻值去量度溫度嘅工具。就好似最近市面愈嚟愈常見嘅非接觸式紅外線探熱酒精消毒噴霧一體機,就集紅外線探熱與及酒精消毒噴霧功能,慳錢慳人力又節省空間。透過非接觸式技術,準確探測手掌溫度,誤差更低於0.2度。如受測者溫度高於預設溫度,更會自動作出響鬧提醒,無需擔心睇漏眼。探測時更同時自動釋出酒精消毒噴霧,令觀客可以乾乾淨淨進食或參觀店舖。


保持社交距離嘅措施加快咗服務業採納新科技嘅速度,呢種情況喺服務行業尤其係最明顯。面臨舊年二月份開始嘅封鎖措施,把握先機嘅企業喺抵禦危機方面具備更有利嘅條件。擅於利用科技嘅KFC就是一個好例子。呢間公司較早嘅時候已經開始採用了數碼技術,例如提供應用程式訂餐、網上追踪訂單、用戶個人檔案同語音訂餐等服務。


除此之外,甚至連麥當勞(McDonald’s)呢類傳統快餐公司亦都開始使用UberEats、Deliveroo、Foodpanda等外賣平台,喺提供傳統嘅開車點單同餐廳服務之餘,開始轉向送餐到家模式。呢啲外賣平台最近開始同超市、百貨公司、便利店等合作,為消費者提供更迅速採用網上訂購雜貨嘅方式。最初好多呢類公司只提供網上雜貨配送服務,宜家同外賣平台合作後,就可以利用外賣公司嘅網上零售軟件、自動化科技、機械人技術同倉庫管理嘅專業知識拓展環球合作夥伴關係,為客戶提供網上訂購及配送服務。


而吉野家更開始自家研發出和風牛肉、雞肉等即食罐頭,令顧客可以在家都嘗試到佢哋嘅配方,萬一大廈被封鎖時都仍然有應急食糧可供使用。所以可見疫情下嘅各種苦況同限制,令唔同人都激發咗佢哋嘅創新,去創造或引入唔同可以在「新常態」中生存嘅新科技。


#作Code家#疫情科技#疫情#科技#PRISTER#PRISTERAcademy#coding#codinglearning#STEM

6 次瀏覽0 則留言