搜尋
  • PRISTER Internship2

【#作Code 家-世上第一部的智慧型手機】

新一年伊始,好多人都會買新嘅日記行程簿,記低新一年嘅行程、計劃同目標。近年手機愈嚟愈多記事App,為我哋生活記事帶來方便。究竟第一部集合行事曆、記事簿咁多功能嘅輕觸式智慧型手機,係喺幾時發明架呢?

原來輕觸式智慧型手機並唔係新鮮事,早喺1993年,已經有第一部智慧型手機IBM Simon嘅出現。只係當年嘅人類,仍然喺用緊傳呼機同按鈕式電話嘅年代,仲未接受到咁新嘅事物,所以IBM Simon沒有受到人們嘅歡迎。

IBM Simon個人通訊器,係由IBM同Bellsouth合作製作,首款嘗試推出市面,而具有商業可行性嘅智慧型手機。1992年,IBM喺美國內華達州拉斯維加斯舉行嘅通訊產業商業展COMDEX上,第一次將IBM Simon作為一款概念產品展示。第二年起,IBM就開始著手製作IBM Simon,並結合咗無線電話、傳呼機、個人數位助理(PDA)同傳真機嘅功能。經過一段延期後,終於喺1994年,由Bellsouth以最初899美元(大約7000港元)嘅價錢,響美國15個州份、190個城市發售。

IBM Simon除咗係一部無線電話外,佢嘅主要應用程式有行事曆、通訊錄、世界時鐘、計數機、記事簿、電子郵件同埋遊戲。IBM Simon同我哋現今大部分智慧型電話一樣,係冇實體按鍵嘅。作為替代用家可以使用手指,喺佢嘅觸控螢幕上選擇電話號碼,或選擇使用觸控筆嚟寫傳真同備忘錄,文字可透過屏幕上獨特嘅預測式鍵盤或QWERTY鍵盤(同電腦鍵盤同款)嚟輸入。

IBM Simon亦都係世界上第一款使用觸摸屏嘅智能手機,使用Zaurus操作系統,只有一隻第三方應用軟件,個名叫《DispatchIt》。雖然冇乜人知道佢嘅存在,但係佢為以後嘅智慧型手機奠定咗基礎,作為里程碑。所以我哋嘅手機有好大部分功能都係基於IBM Simon嘅概念而嚟架!

#IBM #IBMSimon #世上第一款輕觸式智慧型手機 #PRISTER #PRISTERAcedemy #作code家

5 次瀏覽0 則留言