搜尋
  • PRISTER Internship2

【#作Code家 — 自家製「天文台」】


天氣逐漸回暖,又嚟到好潮濕嘅春天喇!呢個季節最困擾嘅相信就係落雨天氣同潮濕大霧,作「Code」家又可以點樣去利用STEM同物聯網去掌握所在位置嘅即時氣溫同濕度呢?


要量度溫度,我哋可以使用電阻式溫度感測器。一般金屬對於電流都有阻力,金屬會隨住溫度嘅變化熱漲冷縮,而佢嘅阻力亦會隨住溫度嘅變化而改變,改變嘅情形將因材質而異。所以電阻式溫度感測器正正利用咗呢一個特性,以金屬細線繞製而成,所以電阻式溫度感測器都用呢個原理去量度溫度係數。


如果想量度濕度,我哋都可以使用濕度感測器。但太多感測器只會令我們變得唔方便,所以本文將會介紹最常被使用,最便宜嘅溫濕度感測模組(DHT11)。


DHT11數字溫濕度傳感器係一款含有已校準數字信號輸出嘅溫濕度複合傳感器,佢具有極高嘅可靠性和卓越嘅長期穩定性,而且有品質卓越、超快響應、抗干擾能力強、性價比極高等優點。傳感器包括一個電阻式感濕元件同埋一個NTC測溫元件,並與一個高性能8位單片機相連接。佢超小嘅體積同極低的功耗,應用喺Micro:Bit、Arduino等嘅單片機上,連接極方便。


有咗溫濕傳感器,加上Micro:Bit等單片機嘅編程,就可以將數據接上WiFi發送喇。我哋可以利用物聯網平台製作屬於自己嘅「天文台」,讀取即時嘅溫度同濕度數據,更加可以應用科技到家電如電動晾衫架之中,預防落雨等天氣狀況,十分方便,大家有機會務必要嘗試一下!


#作Code家#PRISTER#PRISTERAcademy#coding#codinglearning#STEM

8 次瀏覽0 則留言